ISTÒRI
Parbaïse
Lou bilàdye qu’estou lountéms û loc-dit dependen dou bilàdye besî de ABOS e qu’abou l’endependénce souque en 1729.
Quauques dedzenats mey tart dab la creacioû dou departamen de las baches Pirenées que hasoun û estùdi enta determinà l’emplaçamen dou céntre geografic dou departamen
que seré lou loc yuntat de pertout en û die de camî à chibau.
Atau que-s troubè qu’ere Parbaïse. Coum lou bilàdye ere counsiderat trop petit qu’estou Nabarréncs que ereta
d’aquéth titre quauques més abans que la bile de PAU n’estousse causide.
Las coumunes
Las Coumunes de PARBAÏSE e de CUQUEROÛ qu’an la particularitàd de partadya la glèyse et lou cemitèri pramou que hen enta la reliyoû ûe soule parròpi. Toutû lou mounumen dous mourts qu’ey situat sus la coumune de CUQUEROÛ.
BIÉNER À PARBAÏSE
Lou bilàdye
Parbaïse qu’ey û bilàdye biarnés dou cantoû de Mounégn situat hens lou departamen de Las Pirenées Atlantiques.
Parbaïse que bòu dise à coustat de la Baïse, noum de l’arriu qu’ey au co dou Biarn, à ûe ore de la mountagne ou de la Ma grane. Nouste coumune que perpause û paysàdye rurau de coustalats et de plane ideàu enta la culture de la bigne, de la pésque e dou grâ.
BARINGOUSTE
Baringouste
Lou site de Baringouste inaugurat en 2014 qu’ey accessible toutes las persounes e las familhes que cercem û loc de berdure, càlme e de securitat. Aquéth endrét campestre en cantère de bos qu’ey estat arranyat dab taules ta minya. Hère gran et oumbradjoùs qu’aufrech la poussibilitàt ûe pause ta minya de s’passeya sus û sendè reheit. Lou terrî de joc entaus maynats e lou de las boles de petanque qu’en hen û endret ideau enta passa û die de plasé dab amics ou en familhe.
Baringouste qu’ey à la termière d’ûe zone NATURA 2000 e las persounes que s’renden sus lou site que soun dounc respounsables de lou mantiéne en proupretat. Bacheths dab code coulou segoun lou tipe de las triades que soun dispausats sus lou parking principau.
ZONE NATURA 2000
PLAN D’ACCES
PASSAEYADES À PÈ ET À VTT
Parbaïse qu’ey au centre de diferens camîs, autan de passeyades à pè que à VTT. Que trouberatz acì-debath ûe liste enta proufita dous mirabilhous paysàdyes dou piemoùn Pirenéen que eboluan au grat de las sesoûs. Aqueths camîs que soun balisats.
Qu’espieratz lous oùrdis de las béstis e de las plantes. Passeyadous ne desbroumbatz pas lous aparelhs à fotos ni las lourgnetes !
Despuch lou site de BARINGOUSTE, que pouderatz adayse arriba aus camîs proupausats aci-debath.
Arrebirat per Yan de LOPEZ